ജോഷി ദിലീപ് ടീമിന്‍റെ പുതിയ ചിത്രത്തിന് അവതാരം എന്ന് പേരിട്ടു. ദിലീപിനെ നായകനാക്കി ജോഷി സംവിധാനം ചെയ്യുന്ന പുതിയ ചിത്രത്തിന് അവതാരം എന്നു പേരിട്ടു. ക്രിസ്ത്യന്‍ ബ്രദേഴ്സ്, ട്വന്റി ട്വന്റി, ജൂലൈ 4 എന്നീ ചിത്രങ്ങള്‍ക്കു ശേഷം ജോഷി-ദിലീപ് കൂട്ടുകെട്ടിലൊരുങ്ങുന്ന ചിത്രമാണ് അവതാരം. ചിത്രത്തിന് തിരക്കഥയെഴുതുന്നത് വ്യാസന്‍ എടവനക്കാട് ആണ്. തമിഴിലെ തിരക്കേറിയ നടിമാരിലൊരാളായ ലക്ഷ്മി മേനോന്‍ ഒരിടവേളയ്ക്ക് ശേഷം ഈ ചിത്രത്തിലൂടെ മലയാളത്തില്‍ തിരിച്ചെത്തുകയാണ്. പഴയകാലനടിയും സീരിയല്‍ താരവുമായ ശ്രീജയ ഈ ചിത്രത്തിലൊരു പ്രധാനകഥാപാത്രത്തെ അവതരിപ്പിക്കുന്നുണ്ട്. കലാഭവന്‍ ഷാജോണ്‍ ആണ് മറ്റൊരു താരം. പ്രശസ്ത തിരക്കഥാകൃത്തുക്കളായ ഉദയ്കൃഷ്ണ, സിബി കെ തോമസും ദിലീപ് കെ കുന്നത്തും ചേര്‍ന്ന് 4 ബി പ്രൊഡക്ഷന്‍സിന്റെ ബാനറില്‍ നിര്‍മിക്കുന്ന ചിത്രത്തിന്‍റെ സംഗീതം ദീപക് ദേവാണ് നിര്‍വഹിക്കുന്നത്.

English Summary : Dileep comes with another surprising role