വിന്ഡോസ് 8 പുറത്തിറങ്ങിയപ്പോള് ഏറെ ശ്രദ്ധ നേടിയത് അതിന്റെ ഡെസ്ക്ടോപ്പ് വഴിയാണ്. ടൈല് സ്റ്റൈലിലുള്ള ക്രമീകരണം ആകര്ഷകമാണെന്ന് പറയാതിരിക്കാന് സാധിക്കില്ല. വിന്ഡോസ് 8 ഒരു വിജയമോ പരാജയമോ ആയാലും ഈ സ്റ്റൈല് ഇപ്പോള് ഒരു ട്രെന്ഡ് ആയി മാറുകയാണ്. ഫേസ് ബുക്കിലെ കവര് ഫോട്ടോ വേണമെങ്കില് നിങ്ങള്ക്ക് ഇങ്ങനെ വിന്ഡോസ് 8 സ്റ്റൈലില് നിര്മ്മിക്കാം. ഇതിനായി ഉപയോഗിക്കാവുന്ന ഒരു ആപ്ലിക്കേഷനുണ്ട്. കവര് ഫോട്ടോയില് കാണുന്ന ഓരോ ഐക്കണും മാറ്റി പകരം നിങ്ങളുടെ ഇഷ്ടചിത്രങ്ങള് വെയ്ക്കാം. എന്നാല് സ്കൈഡ്രൈവ്, എക്സ്പ്ലോറര്, തുടങ്ങിയവയുടെ ഐക്കണുകള് മാറ്റാനാവില്ല. ചിത്രങ്ങള്ക്കൊപ്പം ബാക്ക് ഗ്രൗണ്ട് കളറും മാറ്റം വരുത്താന് സാധിക്കും.