കാലത്തിന്റെ വിധിക്കടിപ്പെട്ട് കുടുംബം പോറ്റാന് വേണ്ടി പുരുഷന്മാര് മാത്രം ചെയ്തിരുന്ന ഒരു ജോലി ഒരു സ്ത്രീ ഏറ്റെടുക്കേണ്ടി വന്നപ്പോള് നേരിടേണ്ടിവന്ന ചില സംഭവവികാസങ്ങളും അതിനെ തുടര്ന്നുണ്ടാകുന്ന ജീവിതദുരിതങ്ങളും ദൃശ്യവത്കരിക്കുന്ന ചിത്രമാണ് ‘അക്കല്ദാമയിലെ പെണ്ണ്’.നവാഗതനായ ജയറാം കൈലാഷ് സംവിധാനം ചെയ്യുന്ന ഈ ചിത്രത്തില് ശ്വേതാമേനോന്, മാളവിക എസ്. നായര് എന്നിവര് കേന്ദ്രകഥാപാത്രങ്ങളെ അവതരിപ്പിക്കുന്നു. ശ്വേതാമേനോന്റെ മകളായാണ് മാളവിക ഈ ചിത്രത്തില് പ്രത്യക്ഷപ്പെടുന്നത്. പോള് മീഡിയാ ആന്ഡ് മൂവി പ്രൊഡക്ഷന്സിന്റെ ബാനറില് കാസിം അരിക്കുളം നിര്മിക്കുന്ന ഈ ചിത്രത്തില് വിനീത്, സുധീര്കരമന, ജാഫര് ഇടുക്കി, കൂട്ടിക്കല് ജയചന്ദ്രന്, ജയേഷ് തമ്പാന്, ഷാജു ശ്രീധര്, അഷറഫ് പീരുമേട്, രാജേഷ് ഹെബ്ബാര്, നന്ദകിഷോര്, ശ്രീജിത്ത്, ചാലി പാല, ബേബി ശ്രിത മാനസ, ബേബി ശ്രദ്ധ സുധീര് തുടങ്ങിയ പ്രമുഖരും അഭിനയിക്കുന്നു.
English summary : Swetha as Akaldamile Pennu