കാലം മാറുന്നതനിനുസരിച്ച് കാലരൂപങ്ങളുടെ ശൈലിയിലും, നിര്മ്മാണത്തിലും മാറ്റം വരുമല്ലോ. പെന്സിലും, കടലാസും ഉപയോഗിച്ചും, നിറക്കൂട്ടുകളുപയോഗിച്ച് ആര്ട്ട് പേപ്പറിലും ചിത്രങ്ങള് വരക്കാറുണ്ടല്ലോ. എന്നാല് ഈ ആന്ഡ്രോയ്ഡ് യുഗത്തില് പേപ്പറും, ചായങ്ങളുമൊക്കെ ചിത്രം വരയ്ക്ക് അനിവാര്യമല്ല. അതിന് പറ്റിയ മാധ്യമം ആന്ഡ്രോയ്ഡ് ടാബ്ലറ്റ് തന്നെയാണ്. നിങ്ങളുടെ ടാബ്ലറ്റിനെ സ്കെച്ച് ബുക്കാക്കാന് സഹായിക്കുന്ന ഒരു ആപ്ലിക്കേഷനാണ് ArtFlow.
ഈ ആപ്ലിക്കേഷന് ഇന്സ്റ്റാള് ചെയ്ത് റണ് ചെയ്യുക. പല ആരോകള് സ്ക്രീനില് കാണാം. ഇടത് വശത്ത് കാണുന്ന ആരോയില് ക്ലിക്ക് ചെയ്താല് സെറ്റിങ്ങ്സ് മാറ്റാനും, ഇമേജുകള് ഇംപോര്ട്ട് ചെയ്യാനും, ലെയര് ആഡുചെയ്യാനുമൊക്കെ സാധിക്കും.
വലത് വശത്തെ ആരോയില് ക്ലിക്ക് ചെയ്താല് ബ്രഷ്, പെയിന്റിംഗ് ഒപ്ഷനുകള് തുടങ്ങിയവ ലഭിക്കും.
സ്റ്റൈലസ് ഉപയോഗിച്ചും ഇതില് വരയ്ക്കാം.
ബ്രഷ് ഒപ്ഷനില് തന്നെ നിരവധി സ്റ്റൈലുകളുണ്ട്.
വര പൂര്ത്തിയാകുമ്പോള് അത് പി.എന്,ജി ഫോര്മാറ്റില് ഓണ്ലൈന് സ്റ്റോറേജുകളിലേക്കോ, മെമ്മറിയിലേക്കോ, അല്ലെങ്കില് ബ്ലുടൂത്ത് വഴിയോ ഷെയര് ചെയ്യാം.
https://play.google.com/store/apps/details?id=com.bytestorm.artflow